jueves, 18 de diciembre de 2008

tristesa de coton

toti auem demanda de languiment
dies de passatgèra depression
mès aciu a on jo demori
se guardam pera hièstra
ei evident qu'eth problèma l'auem laguens

miércoles, 10 de diciembre de 2008

mau d'esperit

dia gris de cèu d'argent
paratge trist e bèth
me hès a sénter eth dolor intens
deth mèn còr
mès tanben eth plasèr deth sòn existir

martes, 25 de noviembre de 2008

sentiments sòlids

enteneràs fòrça istòries d'aguest país
deth caractèr dificil des que i demoram
mès a jo non me dèishe pas d'estonar
es fantastiques amistats que se i trapen

domingo, 16 de noviembre de 2008

reafirmar-se

toti auem de besonh marchar
sénter era angoisha dera anhorança
e era desmesurada felicitat deth retorn

viernes, 7 de noviembre de 2008

cornèr de mon

hè pòc qu'è descorbit
que ací tot ei possible
vòs arribar ena lua?
jo è gessut de casa
e i è arribat a pè

domingo, 2 de noviembre de 2008

convidat

jo sò eth rei d'aguest país
e mies son aguestes tèrres
estima-me e respècta-me
o partirè e me perderàs

lunes, 27 de octubre de 2008

coishin de sòns

m'agradarie perder-me
en un lhet blanc e fresc
m'agradarie barrar es uelhs
e sénter era aulor e es amorasses

domingo, 19 de octubre de 2008

es darrèrs colors

diden que s'acabe er an
coma se siguesse ua causa trista
a jo çò que mès m'agrade
ei éster en casa un dimenge
e guardar es colors que i a
just abantes de daurir era lum

domingo, 12 de octubre de 2008

mimetismes

jo viui en un país
a on es òmes saben hèr
cases que son païsatges
e es montanhes pòden bastir
bòsqui veneradi coma temples

domingo, 5 de octubre de 2008

màgia pertot

non sabi s'ei pera aulor
o perquè càmbie de color
pes bronits o pera escuror
o dilhèu per tot açò
mès sabi qu'eth bòsc ei viu

viernes, 26 de septiembre de 2008

en tot virar era cantoada

vals, bòsqui, e montanhes
camins que t'amiaràn naut de tot
atau ei tostemp era nòsta Val

domingo, 21 de septiembre de 2008

escotar eth camin

non t'a passat jamès
que te trapes cansat d'anar
mès non pòdes parar de córrer
pr'amor qu'eth camin te reclame a crits?

martes, 2 de septiembre de 2008

flors d'un dia

son es causes mès petites e vesies
es que hèn tant especiaus es grani e aluenhadi desirs

lunes, 1 de septiembre de 2008

renéisher

maudites es nets e es sòns dimònis
gràcies ath solei e as sòns maitins
tròci de colors que mos pinten era vida

sábado, 23 de agosto de 2008

esperit de vin

era esséncia deth vin
coma era esséncia der òme
ei çò que le da valor
non pas eth vestit de paraules
damb que les disfrasse eth venedor

sábado, 16 de agosto de 2008

anar e tornar

passen es dies e trigues
i a camins ben escuelhudi
en d'auti te cau tornar tà darrèr
toti valen era pena
ei eth mapa dera tua vida

sábado, 9 de agosto de 2008

doça nostàlgia

i a dies en que víuer he mau
en que marchar entà non tornar
resulte tremendaments atractiu
sonque eth languiment mos claue es pès en tèrra

viernes, 1 de agosto de 2008

aja eth qu'aja serà pòc

gaudisqui tant damb aguesta tèrra
que non sabi pas tà on guardar
darie era anma ath diable
entà auer un shinhau mès de temps

lunes, 28 de julio de 2008

perpètua beresa

ua pèira etèrna ei un tròç d'istòria
escrita dia a dia damb detalhs passatgèrs
un quadre damb fòrça autors
e infinita paciéncia

jueves, 17 de julio de 2008

perspectives accidentaus

ua bona estrapussada
mos obligue a cambiar es punts d'enguarda
demoram donques caminar tostemp
per tèrres accidentades
50 dolors

viernes, 11 de julio de 2008

eth temps e eth sòn silenci

creigui que sabi apreciar eth valor dera amistat
mès çò que reauments me hè a sénter viua
ei era perfècta companhia que tròbi
quan sò soleta damb arren e damb arrés

sábado, 5 de julio de 2008

memòria enganhosa

aguesti dies de brumes
se presten a gaudir
dera perfeccion
des moments passadi

domingo, 29 de junio de 2008

es mans

pòques causes son tan viues
se les guardes te n'encuedaràs
e veiràs que s'i a demorat
eth diboish dera tua vida

martes, 24 de junio de 2008

tot què cap enjós

tantes nets sense dromir
quan non sabem pas quin camin seguir
quina peguejada!
coma se depenesse de nosates
çò que mos depare era vida!

martes, 17 de junio de 2008

ara madeish

entre ara pera pòrta
e ditz-me que m'adòres
às mieja ora
entà cambiar era mia vida
a.c.

sábado, 7 de junio de 2008

alenada irreflexiua

ensús e ensús e ensús
i a dies tan vitaus
que non pararies d'anar
ne que siguesse ath madeish in.hèrn

miércoles, 28 de mayo de 2008

vanes justificacions

se mancam ath respècte a quauquarrés
s'umiliam o hèm mau damb o sense intencion
non mos serviràn d'arren es desencuses
èm nosati que mos hèm mens persona

lunes, 19 de mayo de 2008

desirar qu'ei vitau

es sòns que desiram son reflèxe dera nòsta realitat
mès fòrça mès polidi, mès perfèctes
non viuem pleaments se non n'auem
per mès que jamès les pogam arténher

lunes, 12 de mayo de 2008

emparar

i a quauquarrés que non se merite supòrt?
un amic a on apiejar-se?
non ac creigui
toti estimam eth melhor que sabem

jueves, 8 de mayo de 2008

dubtes e pòurs

un dia eth mèn "abuelo" m'ensenhaue a anar damb biciclèta
me didie que guardèssa tostemp tà deuant "cap a on vulguis anar"
encara ac hèsqui ara, damb bici o sense, tostemp que m'a anat ben

lunes, 5 de mayo de 2008

viatjar

eth pas deth temps mos preocupe
mès en realitat segontes a on guardes
pòts viatjar tà dauant o tà darrèr

lunes, 28 de abril de 2008

angles

se vòs préner quauquarren hè fòrça e pren-ac
non i a un mau lòc se n'as pro desir

lunes, 21 de abril de 2008

cada dia un shinhau

se te i fixes ben e te pares un moment
t'encuedaràs que de felicitat
n'i a un shinhau cada dia

domingo, 13 de abril de 2008

maitins de solei

guardi pera hièstra e veigui coma nhèue
e impacienta demori un d'aguesti maitins
en que deuant dera pòrta de casa
eth solei te cauhe damb ua abraçada

domingo, 6 de abril de 2008

de patac

es prumèrs dies que desvelhes
damb era flaira dera primauera
era vida se t'impòse
damb ua doça cogotada

lunes, 31 de marzo de 2008

pincelada

era pincelada mès petita
encara que sigue improvisada
hè especiau eth quadre

lunes, 24 de marzo de 2008

dimenges en casa

seràs d'acòrd damb jo
i a quauquarren mès doç
qu'era charrada de tarde
damb er amic de tostemp ?

martes, 18 de marzo de 2008

sasons


cada cicle a eth sòn atractiu
quina sòrt auer-les toti
e non auer d'escuélher

miércoles, 12 de marzo de 2008

non i a un bon dia entà díder adiu

Tu que te'n vas, David,
damb era màgia des tòns dits
mos dèishes en un mon
mès praube d'illusions

lunes, 10 de marzo de 2008

caçaire de lum

m'agrade perseguir aguestes causes
que pensi que pogui caçar
just abantes qu'acaben en tot escapar

viernes, 29 de febrero de 2008

supersticions arcaiques

es religions
son es nòstes arraïtzes
espectaculars e absurdes

domingo, 24 de febrero de 2008

un mar de pèires

se te manque quauquarren
dilhèu cau guardar mès
e trapar aquerò que vòs
en quinsevolh endret

viernes, 8 de febrero de 2008

eth sentit des causes

quan se cree damb tanta passion
que ne ges ua meravelha
a qui l'impòrte
se ja non servís pas entà d'arren

víuer damb intencion

Jo te diderè çò qu'ei víuer
ei hèr çò que voi hèr
o gaudir quan ac sagi

jueves, 31 de enero de 2008

moments de sòrt

a toti mos a passat bèth còp
mos agradarie auer arturat eth temps
arturar era vida
aguesti rebrembes non an prètz

domingo, 27 de enero de 2008

instant caduc

era beresa ei efimera
per aquerò er impuls de cercar-la
e era satisfaccion en trapar-la

martes, 22 de enero de 2008

eth secrèt der orde

sonque son pèires
mès son polides
se sabes coma plaçar-les

viernes, 18 de enero de 2008

sarralha

non tostemp cau hèr aquerò que se demore de nosati
a viatges húger des imposicions ei tot un art

jueves, 10 de enero de 2008

dimensions relatiues

es pèires mès petites
pòden hèr ombra
as montanhes mès granes